आर्थिक आवाज
पोखरा । ओम विकास तथा देउ कुमारी स्मृति प्रतिष्ठानले मुस्ताङका १३ जना शिक्षकहरुलाई हार्डवयर तथा नेटवर्किङ तालिम निःशुल्क प्रदान गरेको छ । घरपझोङ तथा थासाङ गाउँ पालिकाका १३ वटा विद्यालयका १३ जना शिक्षकहरूलाई हार्डवयेर तथा नेटवर्किङ तालिम सुरु गरिएको प्रतिष्ठानका अध्यक्ष सवि शेरचनले जानकारी दिइन् ।
घरपझोङ तथा थासाङ गाउँपालिकाको सहयोगमा नोभा कम्पयुटर एण्ड ल्याङग्येज इन्स्टिच्युट महेन्द्रपुल पोखरामा तालिम सुरु भएको छ । तालिमको पुस १ गते मंगलबार प्रतिनिधिसभा सांसद प्रेम प्रसाद तुलाचनले उद्घाटन गरे । कार्यक्रममा बोल्दै प्रमुख अतिथि तुलाचनले शिक्षकहरुको क्षमता विकास तथा प्राविधिक शिक्षाको ज्ञान बढाउन तालिम सहयोगी हुने विश्वास व्यक्त गरे ।
प्रतिष्ठानका अध्यक्ष सवि शेरचनको अध्यक्षतामा भएको कार्यक्रममा घरोपझोङ गाउँपालिकाका अध्यक्ष आस बहादुर थकाली, क्यान महासंघ कास्कीका अध्यक्ष विश्वास भण्डारी, प्रशिक्षार्थी जन आर्दश अमरसिंह विद्यालयका शिक्षक गोबिन्द नेपाली लगायतले बोलेका थिए ।
कार्यक्रममा जिल्ला समन्वय समिति मुस्ताङका प्रमुख छिरिङ ल्याङमो, थासाङ गाउँपालिकका वडा अध्यक्ष नरप्रसाद हिराचन, एक्याबका अधिकृत शन्तोष शेरचन र रारा चाउचाउका मेनेजर लक्ष्मण गौचन लगायत सहभागी थिए । कार्यक्रम सञ्चालन सचिव गिरी सिंह शेरचनले गरेका थिए ।
Comments are closed.