काठमाडौं । पछिल्लो समयमा सुनचाँदीको मूल्यमा उतार चढाव देखिएको छ । बुधबार तोलामा एकैदिन १ हजारले घटेको सुनको मूल्य बिहीबार फेरि तोलामा ८ सय रुपैयाँले बढेको छ ।
तोलामा ८ सय रुपैयाँले बढेसँगै आज छापावाल सुनको मूल्य तोलाको ९३ हजार ८ सय रुपैयाँ कायम भई कारोबार भइरहको नेपाल सुनचाँदी व्यवसायी महासंघले जानकारी दिएको छ । बुधबार छापावाल सुन तोलाको ९३ हजारमा कारोबार भएको थियो ।
त्यस्तै, आज तेजाबी सुन तोलाको ९३ हजार ३ सय रुपैयाँ कायम भई कारोबार भइरहेको महासंघले जनाएको छ । हिजो तेजाबी सुन तोलाको ९२ हजार ५ सय रुपैयाँमा कारोबार भएको थियो ।
त्यसैगरी, चाँदी बिहीबार तोलामा २५ रुपैयाँले बढेको छ । तोलामा २५ रुपैयाँले बढेसँगै आज चाँदी तोलाको ११ सय ३५ रुपैयाँ कायम भई कारोबार भइरहेको महासंघले जनाएको छ । बुधबार चाँदी तोलाको ११ सय १० रुपैयाँमा कारोबार भएको थियो ।
Comments are closed.