काठमाडौं । काठमाडौं भृकुटीमण्डपस्थित ठूलो चौरमा जारी ‘जाडोमा न्यानो अफर जुत्ता चप्प्ल मेला’ प्रति ग्राहकको आकर्षण बढ्दै गएको छ।
जाडो मौषमलाई लक्षित गरी एसोसिएसलने मेला आयोजना गरेको पूर्व अध्यक्ष एवं मेला संयोजक होमनाथ उपाध्यायले जानकारी दिए। बिहान ९ बजेदेखि साँझ ६ बजेसम्म सञ्चालन हुँदै आएको मेला जाडो मौसम र लगन तथा शुभ मुहुर्तलाई मध्यनजर गर्दै आयोजना गरिएको अध्यक्ष उपाध्यायले बताए ।
मेलामा १५ देखि ५० प्रतिशतसम्म छुटको व्यवस्था गरिएको छ, जसका कारण धेरै ग्राहक लाभान्वित भएको उनको भनाइ छ। कात्तिक २४ गतेदेखि सुरु भएको मेला आगामी पुस २ गतेसम्म चल्नेछ।
३ हजार भन्दा बढी प्रकारका जुत्ता चप्पलहरु प्रदर्शन एवं बिक्रीमा राखिएको मेलाबाट धेरै ग्राहक लाभान्वित हुने आयोजकको अपेक्षा छ । ‘बच्चादेखि वृद्धसम्म सबैलाई मिल्ले लेडिज, जेन्स, लेदर तथा स्पोर्टस जुत्ताहरु उपलब्ध छन्,’ सहसंयोजक जीवन श्रेष्ठले भने ।
स्वदेशी चर्चित ब्राण्डहरु बिएफ डियरहिल सुज, रोयल सुज, रन सुज, कोशेली, फस्ट वाक, क्रस रोड, केटिएम, स्मार्ट, स्टाइल, सिललगायत अन्य विभिन्न ब्राण्डहरुको जुत्ता चप्पलको स्टल मेलामा राखिएको छ।
Comments are closed.