काठमाडौं । नेपाली बजारमा आज पनि सुनचाँदीको भाउ बृद्धि भएको छ । बुधबार तोलामा ८ सयले बढेको सुन बिहीबार पनि तोलामा ३ सय रुपैयाँले बढेको छ ।
तोलामा ३ सयले बढेसँगै आज छापावाल सुन प्रतितोला १ लाख १ हजार ५ सय रुपैयाँ कायम भई कारोबार भइरहेको नेपाल सुनचाँदी व्यवसायी महासंघले जनाएको छ । बुधबार छापावाल सुन प्रतितोला १ लाख १ हजार २ सय रुपैयाँमा कारोबार भएको थियो ।
त्यस्तै, बिहीबार तेजाबी सुन प्रतितोला १ लाख १ हजार रुपैयाँ कायम भई कारोबार भइरहेको महासंघले जनाएको छ । हिजो तेजाबी सुन प्रतितोला १ लाख ७ सय रुपैयाँमा कारोबार भएको थियो ।
यस्तै, बिहीबार चाँदीको मूल्य पनि तोलामा ५ रूपैयाँले बढेको छ । तोलामा ५ रुपैयाँले बढेसँगै आज चाँदी प्रतितोला १ हजार ४ सय ५ रुपैयाँ कायम भई कारोबार भइरहेको महासंघले जनाएको छ ।
हिजो चाँदी प्रतितोला १ हजार ४ सय रुपैयाँमा कारोबार भएको थियो । पछिल्लो समय सुनचाँको मूल्यमा भारी वृद्धि देखिँदै आएको छ ।
Comments are closed.