पोखरा । उच्च शिक्षा अध्ययनका लागि विदेश जान चाहने विद्यार्थीलाई परामर्श सेवा प्रदान गर्ने लक्ष्यसहित इस्टडी डिस्टिनेसन सेन्टर (एस.डि.सी.)को शाखा पोखरामा सञ्चालनमा आएको छ । पोखराको न्युरोडमा खुलेको शाखाको आइतबार एक कार्यक्रमबीच कम्पनीका प्रमुख कार्यकारी अधिकृत अमित खड्काले उद्घाटन गरे ।
कन्सल्टेन्सीवाट क्यानेडा, अस्ट्रेलिया, लन्डन, न्यूजिलेण्ड लगायतका विभिन्न देशमा उच्च शिक्षाको लागि जान चाहने विद्यार्थीले परामर्श लगायतको सेवा लिन सक्छन् । पोखरा तथा आसपासका क्षेत्रका विद्यार्थीलाई लक्षित गरी शाखा विस्तार गरिएको हो ।
शाखा उद्घाटनको अवसरमा कात्तिक ३ गतेसम्म भर्ना हुने विद्यार्थीलाई प्रोसेसिङ शुल्कमा ५० प्रतिशत छुटको व्यवस्था गरिएको प्रवन्ध निर्देशक माघुरी पौडेलले जानकारी दिइन् ।
शाखाको उद्घाटन कार्यक्रममा शिक्षासेवी कृष्ण के.सी., तारानाथ पोख्रेल, भलकराज पौडेल, पूर्व जिल्ला न्यायाधीश बासुदेव न्यौपाने, समाससेवी मीनराज रेग्मी, शिक्षा क्षेत्रका अग्रज व्यक्तिहरु, बैंक तथा वित्तीय क्षेत्रका प्रतिनिधिहरु लगायतको उपस्थिति थियो ।
शाखा उद्घाटनको दिन काउन्सिलर प्रल्हाद अधिकारी तथा प्रमुख कार्यकारी अधिकृत अमित खड्काले ५० जना विद्यार्थीलाई निःशुल्क परामर्श प्रदान गरेका थिए ।
Comments are closed.