काठमाडौं । काठमाडौं उपत्यका निर्माण व्यवसायी संघको अध्यक्षको जिम्मेवारी निर्माण व्यवसायी कृष्णप्रसाद गौतमले सम्हालेका छन् । संघका अध्यक्ष बालकृष्ण थापा महासंघको बागमती प्रदेश उपाध्यक्षमा निर्वाचित भएपछि विधान अनुसार वरिष्ठ उपाध्यक्ष रहेका गौतम विधान अनुसार अध्यक्षको जिम्मेवारीमा आएका हुन् ।
गौतमले बुधबार अध्यक्षको कार्यभार सम्हालेका छन् । यस अगाडि २ कार्यकालसम्म वरिष्ठ उपाध्यक्ष भइसकेका गौतम अनुभवी निर्माण व्यवसायी मानिन्छन् । संघमा सहकोषाध्यक्ष २ पटक र कार्यसमिति सदस्य रहेर ३ कार्यकाल उनले काम गरिसकेका छन् ।
गौतम २०५१ देखि निरन्तर रुपमा संघमा आबद्ध भएर काम गरिरहेका छन् । अध्यक्षको जिम्मेवारी सम्हाल्दै गौतमले साना व्यवसायीको हकहितमा काम गर्ने प्रतिबद्धता व्यक्त गरेका छन् ।
गौतम ड्रागन कन्स्ट्रक्सन प्रालिका निर्देशक हुन् ।
Comments are closed.