काठमाडौं । शान्ताज व्युटि सलोन एण्ड एकेडेमीले व्युटि ट्रेनिङ लिएका विद्यार्थीलाई दिक्षीत गरेको छ । सोमबार एक कार्यक्रमबीच विद्यार्थीलाई एकेडेमीले सम्मान गर्दै सर्टिफिकेट वितरण गरेको हो ।
एकेडेमीको मुख्य कार्यालय बौद्धमा आयोजित कार्यक्रममा २०९ जना विद्यार्थी दिक्षीत भएका हुन् ।
भोकेसनल ट्रेनिङ अन्तर्गत रहेर इन्टरनेशनल भोकेसनल ट्रेनिङ सेन्टर नेपाल (आइभिइटी) खोलेर देशमा बेरोजगार हटाउने लक्ष्यसहित एकेडेमीले हरेक स्थानीय तहमा भोकेसनल स्कुल र कलेज खोल्ने लक्ष्य राखेको निर्देशक शान्ता थापाले बताइन् ।
एकेडेमीको शाखाहरु नेपालमा ६ वटा छ भने अमेरिका र भारतमा पनि शाखा सञ्चालनमा छ । ‘सकेसम्म धेरैलाई स्किलफुल तालिम प्रदान गरी रोजगार सिर्जना गर्ने अभियानमा हामी छौं,’ थापाले भनिन्, ‘दक्ष जनशक्ति उत्पादन गर्नु नै हाम्रो मुख्य ध्येय हो ।’
Comments are closed.