काठमाडौं । डिलाइट नेपाल प्रा.लि.ले भारतीय ब्राण्ड डिलाइट हाइटेक फर्निचरलाई नेपाली बजारमा भित्र्याएको छ । भारतको उत्कृष्ट फर्निचर ब्राण्डमा पर्न सफल डिलाइट हाइटेक फर्निचरलाई कम्पनीले आधिकारिक बिक्रेता बनेर आयात गरेको हो । कम्पनीको मुख्य शोरुम बबरमहल रोड माइतीघरमा राखिएको छ ।
शोरुमको कात्तिक ४ गते शनिबार विश्वविख्यात योगऋषि स्वामी रामदेव जी महाराज र आयुर्वेद शिरोमणि आचार्य बालकृष्ण जी महाराजले उद्घाटन गर्ने कार्यक्रम रहेको अध्यक्ष दालप्रसाद श्रेष्ठ (मनोज)ले आर्थिक आवाजलाई जानकारी दिए ।
डिलाइट हाइटेक सन् १९५७ देखि भारतीय बजारमा उत्पादन तथा बिक्री वितरण हुँदै आइरहेको छ । फर्निचरसँग सम्बन्धित सम्पूर्ण सेवा प्रदान गर्ने गरी नेपाली बजारमा हाइटेक डिलाइटलाई भित्र्याइएको कम्पनीका प्रवन्ध निर्देशक राजेन्द्र न्यौपानेले जानकारी दिए । घर, अफिस, स्कुल, कलेज, हस्पिटल, होटल, रिसोर्ट लगायतका क्षेत्रमा आवश्यक फर्निचरसँग सम्बन्धित सम्पूर्ण सेवा आफूहरुले प्रदान गर्ने उनले बताए । ‘डिलाइट हाइटेक उत्कृष्ट फर्निचर ब्राण्ड हो,’ न्यौपानेले भने, ‘नेपाली बजारमा यो ब्राण्ड धेरैको रोजाइमा पर्नेमा हामी विश्वस्त छौं ।’
ग्राहकको चाहना तथा आवश्यकता अनुसारको फर्निचरको व्यवस्था आफूहरुले गर्ने उनले बताए । काठमाडौंमा शोरुम स्थापना भएसँगै देशका मुख्य शहरमा डिलर विस्तार गरिने न्यौपानेले जानकारी दिए ।
Comments are closed.