पोखरा । पोखरामा पनि एक पुरुषले आत्मदाहको प्रयास गरेका छन् । आइतबार बिहान पोखरा महानगरपालिका–१३ काँहुखोलामा स्टेशनरी पसल गर्दै आएका ४५ वर्षिय कृष्णबहादुर क्षेत्रीले आत्मदाहको प्रयास गरेका हुन् ।
आत्मदाहको प्रयास गरेका क्षेत्रीको २५ प्रतिशत शरीर चलेको छ । तर, उनलाई बचाउन गएकी घरधनी संगीता सापकोटाको शरीर भने ८५ प्रतिशत जलेको छ । सापकोटाको अवस्था गम्भीर रहेको छ । क्षेत्रको अवस्था सुधारोन्मुख रहेको प्रहरीले जनाएकाे छ। उनीहरुको पश्चिमाञ्चल क्षेत्रीय अस्पतालमा उपचार भइरहेको छ।
कृष्णबहादुर संगीताको घरमा स्टेशनरी पसल चलाउँदै आएका थिए । ‘महिला ८५ प्रतिशत जलेकाले इमर्जेन्सीमा राखेर उपचार भइरहेको छ । अवस्था चिन्ताजनक छ’, अस्पतालका निर्देशक भरत खत्रीले भने, ‘पुरूष २५ प्रतिशतमात्र जलेका छन्, इमर्जेन्सीबाट सर्जरीमा सारेर उपचार भइरहेको छ।’
प्रहरीका अनुसार कृष्णले शरीरमा पेट्रोल छर्केर आत्मदाहको प्रयास गरेका थिए । आगो लगाउन खोज्दा घरधनी महिलाले देखेपछि बोतल खोस्न खोजेकी थिइन् । तर, बोतल खोस्ने क्रममा उनको शरीरमा पनि पेट्रोल परेको र आगो लागेको हो ।
Comments are closed.