काठमाडौं । सोमबार स्थिर रहेको सुनको मूल्य मंगलबार भने तोलामा २ सय रुपैयाँले बढेको छ ।
तोलामा २ सय रुपैयाँ बढेसँगै आज छापावाल सुनको मूल्य प्रतितोला १ लाख ७ सय रुपैयाँ कायम भई कारोबार भइरहेको नेपाल सुनचाँदी व्यवसायी महासंघले जनाएको छ । आइतबार र सोमबार छापावाल सुन तोलाको १ लाख ५ सय रुपैयाँमा कारोबार भएको थियो ।
त्यस्तै,मंगलबार तेजाबी सुनको मूल्य प्रतितोला १ लाख २ सय रुपैयाँ कायम भई कारोबार भइरहेको महासंघले जनाएको हो । सोमबार तेजाबी सुन प्रतितोलाको १ लाख रुपैयाँमा कारोबार भएको थियो ।
त्यसैगरी, चाँदीको मूल्य मंगलबार पनि स्थिर रहेको छ । सोमबार तोलाको १ हजार ३ सय ९० रुपैयाँमा कारोबार भएको चाँदी मंगलबार पनि सोही मूल्य कायमै भई कारोबार भइरहेको महासंघले जनाएको छ ।
महासंघले अन्तर्राष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ ।
Comments are closed.