काठमाडौं । साताको शुरुवात सँगै बढेको सुनको मूल्य तेस्रो दिन मंगलबार ह्वात्तै घटेको छ । सोमबारको तुलनामा मंगलबार सुनको मूल्य ३ हजार ४ सय रुपैयाँ घटेको हो ।
सोमबार प्रतितोला ९८ हजार २ सय रुपैयाँ रहेको छापावाला सुनको मूल्य मंगलबार ९४ हजार ८ सय रुपैयाँ रहेकोे नेपाल सुनचाँदी व्यवसायी महासंघले जनाएको छ ।

तेजावी सुनको मूल्य पनि प्रतितोला ३ हजार ४ सय रुपैयाँ घटेर ९४ हजार ३ सय रुपैयाँ पुगेको छ । मंगलबार चाँदीको मूल्य ६० रुपैयाँ घटेको छ । मंगलबार चाँदीको मूल्य प्रतितोला १ हजार २ सय १५ रुपैयाँ रहेको छ




Comments are closed.