मेला संयोजक, जुत्ता, चप्पल व्यापार मेला तथा प्रदर्शनी
अध्यक्ष बाग्मती हस्तकला संघ
फुटवयर म्यानुफ्याक्चरर्स एसोसिएसन अफ नेपालद्वारा आयोजित जुत्ता, चप्पल व्यापार मेला तथा प्रदर्शनी जारी छ । राजधानी काठमाडौंको भृकुटीमण्डपमा माघ २१ गतेदेखि मेला सुरु भएको हो । मेलाको वारेमा एसोसिएसनका पूर्व अध्यक्ष तथा मेलाका संयोजक होमनाथ उपाध्याय सँग गरिएको कुराकानी :
फुटवयर म्यानुफ्याक्चरर्स एसोसिएसन अफ नेपालको आयोजनामा जुत्ता, चप्पल व्यापार मेला तथा प्रदर्शनी जारी छ । मेला कहिले सम्म चल्छ ?
नेपालमा उत्पादित विभिन्न ब्राण्डका जुत्ता तथा चप्पलको प्रवद्र्धनको लागि मेला जुत्ता, चप्पल व्यापार मेला तथा प्रदर्शनी आयोजना गरेका हौं । माघ २१ गतेदेखी शुरु भएको मेला फागुन १० गतेसम्म जारी रहनेछ । आवस्यकता अनुशार समय थप पनि गर्नेर्छौ । स्वदेशी वस्तुको प्रवद्र्धन हाम्रो अभियान उद्घोषका साथ मेला आयोजना गरिएको हो ।
जुत्ता चप्पल खरिदमा छुटको व्यवस्था कस्तो छ ?
भारी छुटका साथ नेपाली ब्राण्डका जुत्ता, चप्पलहरु बिक्री गरिरहेका छौं । मेलाको अवसरमा २० देखि ५० प्रतिशत छुटमा स्वेदशी ब्राण्डका जुत्ता, चप्पल बिक्री भइरहेका छन् ।
उपभोक्ताको आकर्षण कस्तो छ ?
अन्तर्राष्ट्रिय ब्राण्डसँग प्रतिस्पर्धा गर्नसक्ने गरी नेपाली ब्राण्डका जुत्ता, चप्पलहरु बजारमा आउँदा उपभोक्ताहरु आकर्षित भएको हामीले पाएका छौं । विभिन्न राजनैतिक पार्टीका कार्यक्रमले मेलालाई प्रत्यक्ष असर पु¥याएका थिए । आम हडतालका कारण मेला १ दिन बन्द भयो । यस बाहेक अन्य समयमा उपभोक्ता तथा ग्राहकको उल्लेखनिय सहभागिता छ । मेला प्रति उपभोक्ताको चासो बढिरहेको छ मैले पाएको छु । उत्कृष्ट गुणस्तरका जुत्ता चप्पल नेपालमै उत्पादन भइरहेका छन् भन्ने सन्देश दिन पनि मेला सफल हुने मेरो विश्वास छ ।
मेलामा कुन कुन ब्राण्डका जुत्ता, चप्पल उपलब्ध छन् ?
मेलामा फिटराइट, ल्यान्डवाक, फस्र्टवाक÷आगास, कोशेली, रन, सुल्यान्ड, हाइलाइफ, क्रसरोड, रोयल सुज, बिएफ, डियर हिल, गोल्डस्टार, बोस सुज, भेनस, किम सुज, शिखर सुज, फुट स्टेप, पिजी, याम्बो सुज लगायतका २५ ब्राण्डका जुत्ता तथा चप्पलहरु बिक्री तथा प्रदर्शनीका लागि राखिएका छन् ।
उपभोक्तालाई के भन्न चाहनुहुन्छ ?
मेला उद्यमी र उपभोक्ताको प्रत्यक्ष भेट हुने स्थल हो । एउटै छानामुनी विभिन्न ब्राण्डका जुत्ता तथा चप्पल उपलब्ध छन् । मेला अवलोकन गर्न म सम्पुर्णमा आग्रह गर्दछु । हामीले राम्रो काम गरेका छौ भने धन्यवाद दिन र कमी तथा कमजोरी भएमा सुझाव दिन म आग्रह गर्दछु । भृकुटीमण्डपमा आएर मेलाको अवलोकन गर्न तथा आवश्यक जुत्ता, चप्पल भारी छुटमा खरिद गर्न सम्पूर्ण उपभोक्ताहरुलाई आग्रह गर्दछु ।
कोरोना महामारीका कारण व्यवसायमा प्रत्यक्ष असर परिरहेको छ, मेलालाई कसरी हेर्नुभएको छ ?
करिव १ बर्षदेखी हरेक क्षेत्र बन्द जस्तौ रहे । मेला, महोत्सव, विवाह तथा ब्रतबन्ध जस्ता कार्यक्रम पनि हुने अवस्था रहेन । अहिले केही सहज अवस्था आएको छ । मेलाले अर्थतन्त्रलाई नै चलायमान बनाउने प्रयासमा मेला आयोजना गरेका हौं । मेलाको पहिलो शुरुवता नै हामीले गरेका छौं । व्यापार तथा व्यवसायको ब्राण्डिङ र उपभोक्ताको बिचमा प्रत्यक्ष पुग्ने एउटा माध्यम पनि हो । कोभिड महामारीका कारण लामो समय पछि मेला आयोजना भएकाले पनि मेला प्रति धेरैको चासो छ ।
Comments are closed.