काठमाडौं । नागार्जुन क्षेत्रमा सुविधा सम्पन्न होटल सञ्चालनमा आउने भएको छ । युवा उद्यमी रमेश कोइरालासहित अन्य व्यवसायीहरुको संयुक्त लगानीमा होटल नागार्जुन प्यालेस सञ्चालनमा आउन लागेको हो । नौं रोपनी जग्गामा होटल निर्माण भएको छ । दसैं अगाडि नै होटलको प्रिओपनिङ हुने अध्यक्ष कोइरालाले जानकारी दिए ।
काठमाडौंको नजिक नागार्जुन नगरपालिकास्थित स्विर्जरल्याण्ड पार्कको आडमा होेटल निर्माण भएको छ । पहिलो चरणमा १८ वटा रुमबाट सेवा प्रदान हुने उनले बताए । कार्यक्रमका लागि २ वटा हलको सुविधा पनि हुनेछ । रेष्टुरेन्ट, बारको सुविधा पनि हुने उनले जानकारी दिए ।
आन्तरिक तथा बाह्य पर्यटकलाई लक्षित गरी होटल सञ्चालनमा आउन लागेको कोइरालाले बताए । ‘त्यस क्षेत्रको सुविधा सम्पन्न होटल सञ्चालनमा ल्याउन लागेका छौं,’ उनले भने, ‘जंगलसँगै जोडिएको होटलबाट वरपरको मनोरम दृश्यसँगै काठमाडौंको दृृश्य अवलोकन गर्न सकिन्छ ।’
काठमाडौं नजिक शान्त वातावरणमा सेवा लिन चाहने र बस्न चाहने पर्यटकका लागि होटल आकर्षक गन्तव्य बन्ने लगानीकर्ताहरुको विश्वास छ ।
दसैं अगाडि प्रिओपनिङ भएपनि ग्राण्ड ओपनिङ केही महिनापछि मात्रै हुने कोइरालाले जानकारी दिए । होटललाई दोस्रो चरणमा थप विस्तार गरिने बताइएको छ । दोस्रो चरणमा रुम, स्विमिङ पुल लगायत अन्य सेवा विस्ता हुने बताइएको छ ।
Comments are closed.