पोखरा । होटल तालिम प्रदायक संघ नेपालको प्रथम साधारणसभा तथा अधिवेशनबाट अध्यक्षमा हिमालयन कलेज अफ हस्पिटालिटी म्यानेजमेन्टका प्रबन्ध निर्देशक ज्ञानबहादुर राना सर्वसम्मत चयनभएका छन् ।
शुक्रबार पोखराको पर्यटकीयस्थल काहुँडाँडामा भएको संघको प्रथम अधिवेशनबाट रानाको अध्यक्षतामा २ जना सदस्य पछि थप गर्ने गरी ९ जनाको नयाँ कार्यसमिति सर्वसम्मत चयन भएको हो ।
अधिवेशनबाट समितिको उपाध्यक्षमा शेरसिंह गुरुङ, सचिवमा सम्मरबहादुर थापामगर, सह–सचिवमा दीपेन्द्र अधिकारी र कोषाध्यक्षमा महेश श्रेष्ठ चयन भएका छन् । त्यसैगरी, सदस्यहरूमा राजेन्द्र गुरुङ र दिनेश कुँवर चयन भएका छन् । विजय पौडेलको संयोजकत्वमा मोती श्रेष्ठ र मुकेश गुरुङ सदस्य रहेको निर्वाचन मण्डलले नयाँ कार्यसमिति चयन गराएको हो ।
समितिका पदाधिकारी तथा सदस्यहरूलाई बधाई तथा शुभकामना दिँदै पोखरा महानगरपालिका वडा नम्बर ११ का वडा सदस्य मीन गुरुङले संस्थाको सहयोगमा बेरोजगारी युवायुवतीहरूले आत्मनिर्भर हुने अवसर पाउने विश्वास व्यक्त गरेका थिए । आवश्यक परेको अवस्थामा महानगरले सहयोग गर्ने प्रतिबद्धता समेत उनले व्यक्त गरे । साधारणसभाले सचिव सम्मरबहादुर थापामगरले प्रस्तुत गरेको वार्षिक प्रगति प्रतिवेदन र कोषाध्यक्ष महेश श्रेष्ठले प्रस्तुत गरेकोे आर्थिक प्रतिवेदन सुझावसहित सर्वसम्मतिले पारित गरेको छ ।
Comments are closed.