‘म साना व्यवसायीको प्रतिनिधित्व गर्छु, व्यवसायीका समस्या समाधान मेरो प्राथमिकता’

पोखरा । पोखरा उद्योग वाणिज्य संघका कार्यसमिति सदस्य केशव खत्रीले संघको आसन्न महाधिवेशनमा उपमहासचिव पदमा उम्मेदवारी दिने भएका छन् । नारायण कोइरालाको प्यानलबाट उनले उम्मेदवारी प्रस्तुत गरेका हुन् ।

बर्तमान कार्यसमितिमा सदस्य भएर काम गरेको र आगामी कार्यकालमा पदाधिकारी भएर अझ प्रभावकारी काम गर्ने सोचबाट उम्मेदवारी दिन लागेको खत्रीले आर्थिक आवाजलाई जानकारी दिए । ‘कतिपय काम कार्यसमिति सदस्यमा रहेर गर्न सकिदैन,’ उनले भने, ‘कतिपय निर्णयहरु पदाधिकारी मिटिङबाट टुंगिने अवस्थामा सदस्यले ताली मात्रै बझाउनुपर्ने बाध्यता रह्यो । अब पदाधिकारीमा रहेर सम्पूर्ण उद्योगी व्यवसायीहरुको हकहितमा टेवा पुग्नेगरी काम गर्ने र सोही अनुसारको निर्णय गराउन भूमिका खेल्नेछु ।’

आफू सानो व्यवसायीहरुको प्रतिनिधित्व गर्दै संघमा आएर साना तथा ठूला व्यवसायीलाई जोड्ने काम गर्ने उनले बताए । ‘संघमा माथिल्लो तहका व्यवसायीहरुको बाहुल्यता रहेकाले साना व्यवसायीहरुले आफ्नो प्रतिनिधित्व गर्न सकेका छैनन्,’ उनले भने, ‘अब त्यो अवस्था रहँदैन ।’

footwear zone

स्थानीय तह तथा सरकारसँग सहकार्य गर्ने, आवश्यक परे दबाब दिने र व्यवसायमैत्री काम गर्न बाध्य बनाउने, पार्किङ तथा घरभाडा समस्या समाधानमा पहल गर्ने उनले प्रतिबद्धता व्यक्त गरेका छन् । ‘घरभेटी र व्यवसायीका समस्यामा म सक्रिय रहनेछु,’ उनले भने ।

लामो समयसम्म व्यवसायमा आबद्ध रहेका युवा व्यवसायी खत्री फेन्सी तथा रेडिमेट व्यवसायी संघको निबर्तमान अध्यक्ष, वुद्धविशाल बजार व्यवसायी एसोसिएसनको अध्यक्ष लगायत विभिन्न संघसंस्थामा आबद्ध छन् ।

You might also like

Comments are closed.