काठमाडौं । यातायात व्यवस्था विभागले सवारी चालक अनुमति पत्रका लागि लिइएका सबै अनलाइन आवेदन रद्द गरेको छ ।
विभागले आज एक सूचना जारी गर्दै यस अघि भरेका सम्पूर्ण आवेदन रद्द गरेको जानकारी दिएको छ ।
नयाँ अनलाइन प्रणाली सुरु गर्न तथा वर्ग थप्नका लागि हालसम्म लिएका सबै अनलाइन आवेदनहरू रद्द गरेको विभागको भनाई छ । विभागका अनुसार अब लाइसेन्स लिन चाहनेहरूले applydl.dotm.gov.np लगइन गरी नयाँ आवेदन भर्नुपर्ने छ ।
नयाँ लाइसेन्सका लागि आज (सोमबार) साँझ ६ बजेदेखि आवेदन खुला हुनेछ भने वर्ग थपका लागि अर्को साताको सोमबारबाट आवेदन खुलाइने छ ।
Comments are closed.