पोखरा । पोखराको न्युरोडस्थित गिरी कम्प्लेक्समा सञ्चालन भइरहेको युनाइटेड रेफरेन्स ल्याबोरेटरी प्रा.लि. (युआरएल)को पाँचौ शाखा हस्पिटलचोकमा सञ्चालनमा आएको छ । पोखरा स्वास्थ्य विज्ञान प्रतिष्ठान (पश्चिमाञ्चल क्षत्रीय अस्पताल) पूर्वी गेट अगाडि शाखा स्थापना भएको हो ।
शाखाले मंगलबारबाट रक्तपरीक्षण सेवा सुरु गरेको प्रा.लि.का अध्यक्ष ठाकुरप्रसाद पन्तले जानकारी दिए । केन्द्रीय कार्यालयबाट हुने सम्पूर्ण सेवा हस्पिटलचोक शाखाबाट प्रदान हुने उनले बताए । ‘सेवाग्राहीलाई लक्षित गरी २४सैं घन्टा सेवा प्रदान हुनेछ,’ उनले भने ।
शाखा सञ्चालनको अवसरमा सबै सेवाग्राहीलाई मधुमेह (सुगर) सम्बन्धी रक्त परीक्षण निःशुल्क हुने पन्तले जानकारी दिए । अन्य सबै प्रकारका परीक्षणमा ३०प्रतिशत छुट रहेको उनले बताए । यो सुविधा वैशाख महिना भर लागु हुनेछ ।
यस अगाडि तनहुँको दमौली र दुलगौैंडा, लमजुङको बेशीशहर र स्याङ्जाको वालिङमा युआरएलका शाखा सञ्चालनमा छन् । प्रधान कार्यालयले २०७० देखि निरन्तर सेवा प्रदान गर्दै आइरहेको छ । ‘युआरएलको सेवालाई गण्डकी प्रदेशभर विस्तार गर्न हामी सफल भएका छौं,’ अध्यक्ष पन्तले भने, ‘स्तरीय ल्याबबाट रक्त परीक्षण गराउने सेवाग्राहीको चाहना पुरा गर्न हामी सफल छौं ।’
Comments are closed.